مقام‌های چین و ترکمنستان درباره‌ی افغانستان گفت‌وگو کردند
نماینده‌ی چین برای افغانستان خبر داد که با احمد قربان‌وف، معاون وزیر خارجه‌ی ترکمنستان درباره‌ی افغانستان گفت‌وگو کرده است.
خبرگزاری سریع: شیائوونگ گفته که چین از برگزاری پنجمین نشست وزیران خارجه‌ی کشورهای همسایه‌ی افغانستان به‌میزبانی ترکمنستان، در سال ۲۰۲۴ حمایت می‌کند.
نماینده‌ی ویژه‌ی چین در امور افغانستان روز (جمعه، ۴ حوت) در حساب کاربری خود در اکس نوشت: «ما تلاش‌های مشترک خود برای کمک به‌بازسازی افغانستان را افزایش می‌دهیم.»
چهارمین نشست وزیران خارجه کشورهای همسایه افغانستان، در ماه حمل ۱۴۰۲ در اوزبیکستان برگزار شده بود.
در این نشست وزیران خارجه و نماینده‌های کشورهای ایران، چین، روسیه، پاکستان، اوزبیکستان، تاجیکستان و ترکمنستان حضور داشتند.
گفتنی است که حل‌وفصل مسائله‌های سیاسی افغانستان، از جمله هدف‌های نشست‌های وزیران خارجه‌ی کشورهای همسایه‌ی افغانستان است.
*خبرگزاری_سریع*
