شهاب‌الدین دلاور، سرپرست وزارت معادن و پترولیم، طی دیدارش با یک سرمایه‌گذار چینایی، روی معدن‌های افغانستان گفت‌وگو کرده است.

به‌گزارش خبرگزاری سریع، شهاب‌الدین دلاور، سرپرست وزارت معادن و پترولیم حکومت سرپرست، طی دیدارش با یک‌ سرمایه‌گذار چینایی، در رابطه به‌فرصت‌های سرمایه‌گذاری روی منابع معدنی افغانستان بحث و تبادل نظر صورت گرفته‌ است.

دفتر مطبوعاتی وزارت معادن و پترولیم حکومت سرپرست، ام‌روز با نشر این خبر گفته است که این سرمایه‌گذار‌ چینایی، جهت‌ سرمایه‌گذاری روی منبع‌های معدنی افغانستان، به‌ویژه، معدن آهن ابراز علاقه‌مندی کرده، خواهان هم‌کاری و معلومات در مورد پالیسی سرمایه‌گذاری برای تاجران خارجی شدند.

طبق‌ خبرنامه‌، سرپرست وزارت معادن و پترولیم، ضمن صحبت روی چگونه‌گی سرمایه‌گذاری‌های خارجی بالای منبع‌های معدنی کشور طبق قانون‌های معدن‌کاری وعده‌ی هم‌کاری سپردند.