تقابل تیم ملی فوتبال زیر 17 سال کشور با قرقیزستان در مسابقات کافا

بازیکنان تیم ملی فوتبال زیر ۱۷ سال افغانستان در چارچوب رقابت‌های قهرمانی مرکز آسیا (کافا) امروز به مصاف قرقیزستان می‌روند.

این بازی امروز راس ساعت ۱۸ به وقت کابل به میزبانی شهر دوشنبه در تاجیکستان برگزار می‌شود.

افغانستان در گروه A این رقابت‌ها با تاجیکستان میزبان و قرقیزستان هم‌گروه است.

این درحالیست که تیم ملی فوتسال افغانستان در رقابت‌های قهرمانی فوتسال کانتیننتال که با میزبانی کشور تایلند با اشتراک تیم‌های ملی افغانستان، تایلند، کویت، نیوزیلند و گواتمالا از تاریخ ۳۱ اگست الی ۶ سپتمبر سال روان در شهر بانکوک این کشور برگزار می‌شود اشتراک خواهد کرد.