توافق حکومت سرپرست با تاجیکستان در امر استقرار دیپلمات‌ها و عدم حمایت از داعش

منابع مدعی شده‌اند که هیأتی از تاجیکستان در سفر به کابل با استقرار چند تن از دیپلمات‌های افغانستان در دوشنبه موافقت کرده است.

این منابع همچنین ادعا می‌کنند که دو طرف بر توقف کامل فعالیت‌های مخالفان حکومت سرپرست در تاجیکستان توافق کرده اند. به گفته‌ی منابع، رئیس کمیته امنیت تاجیکستان اطمینان داد که هیچ فعالیتی در خصوص حمایت از داعش در تاجیکستان انجام نمی‌شود.

با این حال، تاکنون هیچ منبع رسمی این خبر را تایید نکرده و مقامات دو کشور نیز در این باره اظهار نظر رسمی نداشته‌اند.

این در حالی‌ست که کشورهای تاجیکستان و پاکستان متهم به داعش پروری و ارسال آن به افغانستان و سایر کشورهای منطقه شده است.