اسیا جام : د افغانستان او سرېلانکا ترمنځ برخلیک ټاکونکې لوبه

د افغانستان کرېکټ ملي لوبډله په روان اسیا جام کې خپله وروستۍ او برخلیک ټاکوونکې ګروپي لوبه نن ماښام د سرېلانکا پر وړاندې ترسره کوي. په نننۍ لوبه کې د افغانستان د بریا په صورت کې افغان لوبډله د اسیا جام نیمه پایلوبې ته لار پیدا کوي خو که له ماتې سره مخ شوه، په دغه جام کې یې سفر پای ته رسیږي.

افغانستان خپله لومړۍ لوبه ګټلې خو په دویمه لوبه کې یې له بنګلدېش څخه ماتې منلې ده.