خواجه آصف وايي پاکستان د امریکا تشناب کاغذ و چې وروسته تر استفادې افغانستان ته وغځول شو

خواجه آصف، د پاکستان د دفاع وزیر، په ملي اسمبلۍ کې څرګنده کړه چې د هېواد د ناامنیو ریښې په تېرو تېروتنو کې دي او پاکستان د امریکا لخوا «کرایه شوی» و څو د افغانستان په جګړه کې د «جهاد» پروژه پر مخ یوسي.
هغه په خپلو څرګندونو کې د ۲۰۰۱ کال د سپتمبر ۱۱مې پېښې ته اشاره وکړه او ویې ویل چې دغه برید «هیڅ تړاو له افغانستان سره نه درلود. موږ لسګونه زره کرایه شوي کسان وو.» د هغه په وینا، په تېرو جګړو کې پاکستان د لویو قدرتونو د خوشې خاطرۍ او یا د «مشروعیت ترلاسه کولو» لپاره افغانستان ته داخل شوی و.
خواجه آصف دغه خوشې خاطرۍ د پاکستان د هغه وختونو حکومتونو سره وتړلې او ټینګار یې وکړ چې باید تېروتنې وپېژندل شي، اعتراف ورته وشي او له هغو زده کړه وشي. هغه وویل، د نن ورځې د پاکستان د ناامنیو ریښې باید د هېواد په تېرو تېروتنو کې ولټول شي؛ تېروتنې چې د امریکا په امر او د افغانستان په جګړه کې ترسره شوې دي.
د پاکستان دفاع وزیر څرګنده کړه چې پاکستان یو اسلامي هېواد دی او د خپلو دیني باورونو د ثبوت لپاره په نورو هېوادونو کې جګړې ته اړتیا نه لري: «پاکستان د مذهب او اسلام لپاره په افغانستان کې جګړه نه کړه، بلکې د امریکا لپاره کرایه شوی و.» هغه په پای کې وویل: «پاکستان د امریکا تشناب کاغذ و، چې وروسته له افغانستان کې د استفادې نه غورځول شو.»
د دې څرګندونو په وړاندې په پاکستان او افغانستان کې پراخ غبرګونونه راپارول شول. په ځواب کې زلمي خلیل‌زاد، د امریکا پخوانی ځانګړی استازی د افغانستان د سولې په چارو کې، په ټولنیزو شبکو ایکس کې ومنله چې پاکستان په افغانستان کې د امریکا لپاره مهم رول لوبولی او د همکارۍ په بدل کې یې «مالي او نظامي ملاتړ» ترلاسه کړی و.