د پاکستان د پوځ مشر دویم ځل په درې میاشتو کې امریکا ته سفر: د سنتکام نوي مشر د ټاکلو مراسمو کې ګډون او لوړپوړي امنیتي لیدنې
پاکستاني رسنیو راپور ورکړی چې د دوی د پوځ مشر، جنرال عاصم منیر په تېرو دریو میاشتو کې د دویم ځل لپاره امریکا ته تللی دی.
د پاکستان پوځ ویلی چې منیر به د دې سفر په ترڅ کې د سپینې ماڼۍ، ملي امنیت شورا او پنټاګون له چارواکو سره وګوري.
پاکستاني رسنیو امریکا ته د عاصم منیر د دې سفر اصلي موخه د امریکا د مرکزي قوماندانۍ (سنتکام) د نوي مشر د ټاکلکېدو په مراسمو کې هغه ګډون ښودلی دی.
عاصم منیر د روان کال په جون میاشت کې هم په یو پنځهورځني سفر امریکا ته تللی و، او د یاد هېواد له ولسمشر سره یې کتلي وو.
