سرچینه: د ګوانتانامو وروستی افغان بندي محمد رحیم به ژر خوشې شي

یوې معتبرې سرچینې سریع خبري اژانس ته تازه وویل، چې د امریکا ګوانتانامو زندان کې وروستی افغان بندي «محمد رحیم» به ډېر ژر ازاد شي.

سرچینې د محمد رحیم په اړه نور جزیات ور نه کړل چې کله به خلاص او هېواد ته راستون شي.

د دې افغان بندي د خلاصون خبر په داسې حال کې ورکول کیږي، چې تېره شپه د اسلامي امارت له لوري د امیر امیري په نوم امریکايي تبعه له بند خوشې او قطر هېواد ته انتقال شو.