علاقه‌مندی تاجران روسی به سرمایه‌گذاری روی معدن‌ها در افغانستان
شماری از تاجران روسی، به سرمایه‌گذاری در زمینه‌ی معادن نفت و گاز در کشور علاقه‌مندی نشان داده‌اند.
به‌گزارش خبرگزاری سریع، شیخ شهاب‌الدین دلاور، وزیر معادن و پترولیم حکومت سرپرست، با یوری پیاتکین، رییس شرکت یوکی سایبری روسیه و نماینده‌ی اتحادیه تاجران سایبریا و شرکای افغان آن‌ها، دیدار کرد.
وزارت معادن و پترولیم حکومت سرپرست می‌گوید که رییس شرکت یوکی سایبری روسی، در این دیدار گفته است که می‌خواهد روی معدن‌هاب نفت و گاز افغانستان سرمایه‌گذاری کند.
گفتنی‌است که شهاب‌الدین دلاور، به این تاجران گفته است که وزارت معادن و پترولیم، آماده‌ی هر نوع هم‌کاری در زمینه‌ی فراهم‌کردن سهولت‌ها به تاجران است.
