واکنش همدلانه تاجیکستان به فاجعه زلزله افغانستان
وزارت خارجه تاجیکستان با ابراز همدردی با خانواده‌های قربانیان زلزله مرگبار ولایت‌های کنر و ننگرهار، این حادثه را غم‌انگیز خواند و همزمان چندین کشور آسیای مرکزی و دیگر کشورها آماده کمک‌رسانی فوری به آسیب‌دیدگان شده‌اند.
به گزارش خبرگزاری سریع؛ وزارت خارجه تاجیکستان روز سه‌شنبه، ۱۱ سنبله، با خانواده‌های قربانیان زمین‌لرزه مرگبار ولایت‌های کنر و ننگرهار ابراز همدردی کرد و این رویداد را «غم‌انگیز» توصیف کرد.
همزمان، کشورهای ارمنستان، آذربایجان و برخی دیگر از کشورهای آسیای مرکزی نیز ابراز همبستگی کرده‌اند.
زمین‌لرزه‌ای به بزرگی ۶ ریشتر یک‌شنبه‌شب در کنر و ننگرهار رخ داد که تاکنون 900 کشته و نزدیک به سه هزار زخمی برجای گذاشته است.
لینک کوتاه
https://sarie.news/b5126a
