په طبیعي ډول: آیا ځینې خلک د حساب په برخه کې کمزوري دي؟

یوه کروندګره دری ډوله ژوي يا حيوانات لري. له دريو پرته یې ټول پسونه دي، له څلورو پرته یې ټولې وزې دي له پنځو پرته یې ټول اسونه دي. اوس تاسو ووايئ چې له هر ډول څو ژوي لري؟

که دې پوښتنې حيران کړي وئ، تاسو يوازینی کس نه ياست. د دې ځواب دی، يو اس، دوې وزې او دری پسونه.

نو ولې حساب يا رياضي ځينو خلکو ته اسانه ښکاري او ځینې نور په کې ستونزه لري؟

که څه هم جينونه يا ارثي ځانګړتياوې ښايي په کې رول ولري خو دا يوازې د لویې معما يوه برخه ده چې د بيولوژۍ، سيکالوژۍ او چاپېریال يوه پېچلي جوړښت سره تړاو لري.

په بريتانيا کې د لندن ګولډسمېتس پوهنتون پروفيسره يوليا کوواس چې روان پوه او جنټيکي برخه کې زدکړې لري دا څېړي چې ولې خلک د حساب بېلابېلې وړتیاوې لري.