پیلوت های فراری افغان تاجیکستان را به مقصد امارات متحده عربی ترک کردند
پیلوت های افغان که به تاجیکستان فرار کرده بودند، پس از سه ماه بلاتکلیفی، سه شنبه (۱۸ عقرب) توسط امریکا به ایالات متحده عربی منتقل شدند.
گزارش شده که در پروازی که توسط امریکا برنامه‌ریزی شده‌است، در کنار ۱۴۳ پیلوت ۵۰ خبرنگار نیز شامل بوده‌اند.
به گزارش رویترز که یکی از پیلوت های افغان با به اشتراک گذاشتن تصاویری از سوار شدن این گروه به هواپیما، گفته که مقصدشان امارات متحده عربی است.
این گروه از پیلوت ها در پایان جنگ افغانستان با هواپیمای نظامی به تاجیکستان رفتند و توسط مقامات تاجیکستان بازداشت شدند و منتظر انتقال به امریکا بودند. آن‌ها امید دارند که انتقال‌شان به خاورمیانه منجر به اسکان مجددشان در ایالات متحده شود.
این گروه از نظامیان افغان، آخرین گروه عمده پیلوت های آموزش‌دیده توسط امریکا بودند که با تسلط طالبان به خارج از افغانستان گریختند و در تاجیکستان در بلاتکلیفی به سر می‌بردند.
