یوناما امنیت شورا د افغانستان وضعیت ارزوي؛ ناسته د ډسمبر ۱۰مه نیویارک کې کېږي
یوناما اعلان کړی چې د ملګرو ملتونو امنیت شورا راتلونکې چهارشنبه، د ډسمبر په لسمه نېټه، د افغانستان د روان وضعیت، بشري اړتیاوو او نړیوالو همغږیو د ارزونې لپاره ځانګړې غونډه ترسره کوي. دا ناسته د نړیوالو بنسټونو او مرستندویو ادارو د همغږۍ، او راتلونکو احتمالي اقداماتو د ټاکلو په هدف رابلل کېږي.
د امنیت شورا د مهالویش له مخې، غونډه د نیویارک پر وخت د سهار په لسو بجو ترسره کېږي، چې د کابل محلي وخت له ماښام ۷:۳۰ سره برابره ده. ټاکل شوې ګډونوال د افغانستان عمومي وضعیت، بشري خدمتونو اړتیاوې، روان نړیوال تعامل، او د همغږیو د پیاوړتیا پر لارو چارو تفصیلي بحث وکړي.
یوناما ویلي، دا غونډه به د هغو موضوعاتو په ارزونه تمرکز ولري چې د افغانستان د اوسني وضعیت د ښه درک او د نړیوالو هڅو د منظمېدو لپاره مهمې ګڼل کېږي. همداراز تمه ده د بشري ملاتړ پر دوام، د نړیوالو شریکانو رول، او د اړتیا وړ راتلونکو اقداماتو په اړه هم مفصله تبادله نظر وشي.
دغه ناسته د امنیت شورا هغو دوامدارو غونډو له منځه ده چې هدف یې د افغانستان شرایط په منظم ډول څارل، د بشري مرستو بهیر همغږی کول او د نړۍوالې ټولنې ګډ مسؤولیتونه تنظیمول دي.
