اخراج اجباری پناهجویان افغان از تاجیکستان

به گزارش خبرگزاری سریع؛ دولت تاجیکستان به تازگی بازداشت و اخراج اجباری مهاجران افغان را در دستور کار قرار داده است. منابع محلی می‎گویند که دولت این کشور مهلت 15روزه‌‎ای برای خروج مهاجران در نظر گرفته است.

اخراج اجباری مهاجران افغان از تاجیکستان در حالی صورت می‌گیرد که بسیاری از این افراد دارای مدارک قانونی اقامت هستند.

مطابق به گزارش‎ها، بیش از ۱۳ هزار شهروند افغان در حال حاضر در تاجیکستان ساکن هستند و اکثر آنان در انتظار نهایی شدن پرونده‌های مهاجرتی خود به دیگر کشورها هستند.

به گفته منابع محلی، در هفته گذشته دولت تاجیکستان روزانه ده‌ها نفر از مهاجران، به خصوص مردان خانواده‌ها را بدون آگاهی خانواده‌هایشان بازداشت کرده و به افغانستان برگشت داده است. گفته می‌شود بیشتر این پناهجویان در شهرک وحدت و ناحیه رودکی شهر دوشنبه، زندگی می‌کنند.