اخطار به شهروندان چینایی برای ترک مناطق مرزی تاجیکستان با افغانستان
در پی حمله مسلحانه در ولایت ختلان تاجیکستان و کشته شدن سه شهروند چینایی ، سفارت چین در تاجیکستان از شهروندان این کشور خواست که مناطق مرزی با افغانستان را ترک کنند.
به گزارش خبرگزاری سریع، سفارت چین در تاجیکستان روز دوشنبه از شهروندان این کشور خواست که مناطق مرزی تاجیکستان با افغانستان را ترک کنند.
این سفارت اعلام کرد که سه شهروند چینایی در یک حملهی مسلحانه در ولایت ختلان تاجیکستان کشته شدهاند و یک شهروند دیگر آن کشور زخمی شده است.
سفارت چین اشاره ای به عاملان این حمله نکرد، اما از تاجیکستان درخواست تحقیق در مورد این حمله را کرد.
همچنین وزارت خارجه تاجیکستان نیز دیروز اعلام کرد که در یک حمله مسلحانه از خاک افغانستان، سه شهروند چینایی در ولایت ختلان آن کشور کشته شدهاند.
این وزارت خبر داد که این حمله بر کارمندان شرکت «شاهین اسامالالسی» و با سلاح گرم و یک پهپاد حامل نارنجک صورت گرفته است.
وزارت خارجه حکومت فعلی افغانستان نیز این حمله را محکوم کرد و آمادگی خود را برای همکاری کامل با تاجیکستان برای تحقیق در مورد این حمله اعلام کرده است.
