اسرائیلي پوځ: اووه یرغمل شوي کسان له حماس څخه سره صلیب ته سپارل شوي

د یرغمل شویو کسانو د خوشي کولو په برخه کې ښکېل یوه چارواکي رویټرز خبري اژانس ته ويلي چې لومړني اسرائیلي یرغمل شوي کسان اوس له حماس څخه په غزه کې سره صلیب ته لېږدول شوي دي.

د اسرائیلو پوځ وايي، “د سره صلیب د معلوماتو له مخې، اووه یرغمل شوي کسان د ساتنې ځای ته لېږدول شوي او په غزه کې د اسرائیلو دفاعي او امنیتي ځواکونو ته د سپارلو په حال کې دي. تمه کېږي چې نور یرغمل شوي کسان به وروسته سره صلیب ته وسپارل شي.”