افغانستان او قطر: د سرې میاشتې ګډې هڅې او د ماشومانو د روغتیا ملاتړ

په قطر کې د اسلامي امارت سفیر، محمد سهیل شاهین د دغه هېواد د سرې میاشتې ټولنې له رییس، فیصل محمد العمادي سره کتلي او دواړو لوریو پر بېلابېلو مسایلو خبرې کړې دي.
په دې کتنه کې دوی د افغانستان او قطر د سرې میاشتې ټولنو ترمنځ د ګډې همکارۍ په اړه د نظرونو پر تبادلې سربېره، په سوري زړه د اخته افغان ماشومانو د عملیاتو لپاره د باتجربه قطري ډاکټرانو پر رالېږلو هم خبرې کړې دي.