افغانستان با دو کشور همسایه در زمینه خدمات مخابراتی توافقنامه امضا کرد
وزارت مخابرات و تکنالوژی معلوماتی اعلام کرد، نجیب الله حیات حقانی، سرپرست این وزارت در نشست سه جانبه با وزیر فناوری های دیجیتال اوزبیکستان و وزیر صنعت و فناوری تاجیکستان در تاشکند شرکت کرده است.
به گزارش خبرگزاری سریع؛ وزارت مخابرات و تکنالوژی معلوماتی، امروز شنبه 3 جوزا، در خبرنامه خود در شبکه اجتماعی ایکس نگاشت: « وزیران مخابرات و تکنالوژی معلوماتی افغانستان، اوزبیکستان و تاجیکستان در یک نشست سه جانبه که به درخواست وزیر صنعت و فناوری تاجیکستان در تاشکند برگزار شد توافقنامه همکاری مشترک امضا کردند.»
بر اساس خبرنامه، در این دیدار سه جانبه روی برخی موضوعات تفاهم شده و درباره رشد و توسعه تکنالوژی بین کابل، دوشنبه و تاشکند، در زمینه سیستم‌ها، مخابرات، خدمات پستی و همکاری‌های منطقه‌ای گفت‌وگو شد.»
نجیب‌الله حیات حقانی، وزیر مخابرات و تکنالوژی معلوماتی برای اشتراک در اجلاس کشورهای مشترک المنافع یا RCC به تاشکند رفته است.
لینک کوتاه
https://sarie.news/b2283a
