افغانستان نن له ترکمنستان سره لوبه کوي
د افغانستان د فوټبال ملي لوبډله نن د مرکزي اسیا اتلولۍ په دویمه سیالۍ کې له ترکمنستان سره مخ کېږي.
ټاکل شوې ده چې دا لوبه د کابل پر وخت د ماسپښین په ۴:۳۰ بجو پیل شي.
افغان لوبډله، چې خپله لومړۍ سیالي یې بایللې، هڅه کوي په دې لوبه کې د بریا له لارې خپل مقام ښه کړي.
بلخوا ترکمنستان هم د نمرو ترلاسه کولو او د خپل دریځ پیاوړتیا لپاره میدان ته ښکته کېږي.
تمه کېږي دا سیالي نږدې او په زړه پورې وي، ځکه دواړه لوبډلې د بریا لپاره جدي هڅې کوي.
