ایران: سفیران بېرته تهران ته رابلل شوي او د نوو ستراتیژیکو بدیلونو ارزونه پیل شوې

د ایران د دولتي رسنیو د راپور له مخې، د دغه هېواد سفیران چې په فرانسه، جرمني او بریتانیا کې مېشت وو، بېرته تهران ته رابلل شوي دي.

د خبرونو له مخې، د ایران د بهرنیو چارو وزارت یاد سفیران د مشورو لپاره وروبلل، هغه مهال چې د ملګرو ملتونو د امنیت شورا هغه پرېکړه‌لیک تصویب نه کړ چې موخه یې پر ایران د پخوانیو بندیزونو بېرته فعالول وو.

د ایران د دولتي خبري آژانس «ایسنا» په وینا، د سفیرانو رابلل د ایران د سیاسي دریځ د روښانتیا او د نوو دیپلماتیکو لارو چارو د ارزونې لپاره ترسره شوي دي.

شنونکي وايي، د تهران دا اقدام ښيي چې ایران هڅه کوي د لوېدیځو هېوادونو د فشارونو په وړاندې خپل دریځ لا ډېر کلک کړي او د نوو ستراتیژیکو بدیلونو په لټه کې دی.