بغلان او میدان وردګ درې ټرافیکي پېښې، ۲ مړه او ۹ ټپیان

په بغلان او میدان وردګ ولایتونو کې د درېیو جلا ټرافیکي پېښو له امله لږ تر لږه ۲ کسان مړه او ۹ نور ټپیان شوي دي.

د بغلان ولایت د امنیې قوماندانۍ ویاند شېراحمد برهاني ویلي، چې د دوشي ولسوالۍ په پل پیاز قول سیمه کې د یوې ټرافیکي پېښې له امله یو کس مړ شوی او ۴ نور ټپیان شوي دي. هغه زیاته کړې، ټپیان د یادې ولسوالۍ ولایتي روغتون ته انتقال شوي دي او د هغوی حالت تر کنټرول لاندې دی.

د میدان وردګ ولایت په سیداباد او دایمیرداد ولسوالیو کې د دوو جلا پېښو له امله یو کس مړ او ۵ نور ټپیان شوي دي. د دغه ولایت د امنیې قوماندانۍ ویاند محمد یوسف اسرار ویلي، لومړۍ پېښه د سیداباد ولسوالۍ په سلطان خېلو سیمه کې شوې، چې له امله یې یو کس مړ او ۴ نور ټپیان شوي دي.

دوهمه پېښه د دایمیرداد ولسوالۍ په یوه سیمه کې رامنځته شوې، چې له امله یې یو کس ټپي شوی او روغتیايي مرستې ته اړتیا لري. د پېښو د رامنځته کېدو لاملونه تراوسه معلوم شوي نه‌دي، خو د امنیې چارواکي د ټرافیکي خوندیتوب لپاره څېړنې پیل کړي دي.

چارواکي له موټرچلوونکو غوښتي، چې د خوندیتوب اصول په پام کې ونیسي او په سړکونو کې د بیړنیو پېښو د مخنیوي لپاره له احتیاط کار واخلي.