بغلان: د پلخمري–دوشي سړک د ۳۷.۹ میلیونه افغانیو په لګښت بیارغونه پیل شوه

بغلان ولایت کې د څه‌باندې ۳۷.۹ میلیونه افغانیو په ارزښت د پلخمري – دوشي سړک د بیارغونې او داغګیرۍ چارې پیل شوې.

د ټولګټو وزارت ویاند محمد اشرف حق‌شناس وایي، دیاد سړک د ترمیم او داغ ګیرۍ چارې به د ۵ میاشتو په موده کې بشپړې شي.

د یادونې وړ ده، دغه سړک شاوخوا ۲۸ کیلومتره اوږدوالی لري، چې د هېواد ۹ شمالي ولایتونه له پلازمینې کابل سره نښلوي.