دیدار رئیس آی‌اس‌آی پاکستان با رئیس‌جمهور تاجیکستان

به گزارش خبرگزاری سریع، دفتر ریاست‌جمهوری تاجیکستان روز دوشنبه از دیدار امام‌علی رحمان، رئیس‌جمهور تاجیکستان با جنرال عاصم ملک، رئیس سازمان اطلاعات ارتش پاکستان (آی‌اس‌آی) در شهر دوشنبه خبر داد.

طبق گزارشات، در این دیدار طرفین مورد تامین صلح، ثبات و امنیت منطقه‌ای گفت‌وگو کردند.

آنان خواستار همکاری بیشتر در زمینه مبارزه با تروریسم، افراط‌گرایی و قاچاق مواد مخدر شدند.

امام علی رحمان، همکاری‌های امنیتی و ارتباطات مداوم مقام‌های دو کشور را به نفع تاجیکستان و پاکستان دانست.

این در حالیست که تنش‌ها میان پاکستان و افغانستان در حال افزایش است و در مرزهای دو کشور درگیری‌های مسلحانه رخ داده است.