د خپلواکۍ میراث: ځوانان باید د انګریزي ښکیلاک پر وړاندې ودریږي

د ا.ا.ا. له انګریزي ښکیلاکه د ازادۍ اخیستنې د ۱۰۶مې کالیزې په تړاو یوه اعلامیه کې ویلي چې ځوانان او راتلونکي نسلونه باید د خپلو اسلافو پر پلونو پل واخلي او د هر ډول ښکیلاک پر وړاندې دې ودریږي.

اعلامیه کې ویل شوي چې افغان غیور ولس د الله ج په مرسته د یوې معرکې په ترڅ کې انګریزي ښکیلاک اړ کړ چې د افغانستان خپلواکي ومني او د هېواد غصب شوی بهرنی سیاست بیرته افغانانو ته ورکړي.