د غوري سمنټو نوې کارخونه: د اسلامي امارت د چارواکو په شتون کې پرانیستل کېږي

ټاکل شوې، نن (یکشنبه، د وږي نهمه) د اسلامي امارت د لوړپوړو چارواکو په شتون کې د بغلان ولایت د غوري سمنټو نوې کارخونه پرانیستل کېږي.

د ملي پراختیا شرکت ویاند نبي‌الله ارغندیوال وایي، د دغې کارخونې له ۳۰ تر ۵۰ سلنه تجهیزات د هېواد دننه د ملي پراختیا شرکت په کارخونو کې تولید شوي دي.

د نوموړي په وینا، دغه کارخونه به په ۲۴ ساعتونو کې د پنځه زره ټنو سمنټو د تولید ظرفیت ولري.