د لبنان خبریالانو د امریکا د استازي د څرګندونو پر ضد د خبرونو بایکاټ اعلان کړ

د سوريې لپاره د امریکا د ځانګړي استازي ټام بارک په لبنان کې وروستیو څرګندونو پراخ غبرګونونه راپارولي دي. نوموړی چې په ترکیه کې د امریکا سفیر هم دی، له یوې غونډې وروسته خبریالانو ته ویلي: “متمدن چلند وکړئ او له وحشیانه چلند څخه ډډه وکړئ. ” د دغو خبرو په تړاو د لبنان د خبریالانو ټولنې سخت غبرګون ښودلی او اعلان یې کړی، تر هغې چې رسمي بخښنه ونه غواړي، ټول خبرونه به يې بایکاټ کړي.