د مکسیکو پارلمان په فزیکي شخړه کې ډوب شو: د اپوزیسیون او واکمن ګوند غړي یو بل ته لاس پورې کړل

د مکسیکو د مشرانو جرګې د چهارشنبې د ورځې غونډه د اپوزیسیون او واکمن ګوند د غړو ترمنځ په فزیکي شخړه بدله شوې ده.

په خپرو شويو ويډيوګانو کې ښکاري، چې د مجلس رئيس او د واکمن مورينا ګوند غړي ګيرارډو فرنانډيز نورنيا د اپوزيسيون غړي مورينو يو او بل له لفظي توندۍ وروسته په فزيکي اخ او ډب لاس پوري کوي.

نورونیا ادعا کوي، چې مورینو هغه ته د وژلو ګواښ کړی؛ خو مورینو بیا وايي چې نورونیا لومړی پرې برید کړی دی.