له جګړې تر هیلې: ټرمپ وايي د غزې د اوربند څرک به ژر ښکاره شي

د امریکا ولسمشر ډونالډ ټرمپ په سپینه‌ ماڼۍ کې د سویلي کوریا له ولسمشر لي جې میونګ سره د لیدنې پرمهال ویلي، چې په راتلونکو دوو یا درې اونیو کې به د غزې جګړه پای ته ورسیږي.

ټرمپ د غزې جګړې ته په اشاره وویل: «زه فکر کوم چې په راتلونکو دوه یا درې اونیو کې به تاسو یو نسبتاً ښه او قاطع پای ولرئ»

دا په داسې حال کې ده، چې ټرمپ له دې وړاندې هم څو ځله د جګړې د پای ته رسېدو ادعاوې کړي، خو اسرائیل لا تراوسه د امریکا په بشپړ ملاتړ په غزه کې نسل وژنې ته دوام ورکړی دی.