ملي دفاع وزارت ګڼ پوځي وسایط او وسلې ترمیم او بېرته فعال شوي

ملي دفاع وزارت خبر ورکړی چې له تېرو شپږو میاشتو راهیسې د ۲۱۷ عمري قول‌اردو د تخنيکي انجنیرانو لخوا ۱۱۲۷ پوځي وسایط او ۱۲۵ ميله وسلې ترمیم او ګټې‌اخیستنې ته چمتو شوي دي.
د دغه وزارت د خبرپاڼې له مخې چې په دغو وسایطو کې ۱۰۴ زغره‌وال هاموي ټانګونه، ۱۱ ضربتي ټانګونه، ۱۱۴ عرادې اِنټرنېشنل، ۶۵۸ رنجر موټر، ۲۲عرادہ فورکلفت، ۱۰ سيار رنجر ورکشاپ، ۱۱ رنجر امبولانس، ۱۴ هايلکس، ۵ کرين او نور بېلابېل وسايط شامل دي.
ملي دفاع وزارت لیکلي چې په ترمیم‌شویو وسلو کې ۲ SPG9، يو توپ ۸۲، ۵ روسۍ دهشکې، ۴ زيو ام 23، دوه M-203، ۴۱ کلاشنکوف، ۵۶ ام‌شپاړس، یو میل M4، څلور ميله M2، یوه پیکا او نورې وسلې شاملې دي.