ملګرو ملتونو: په ختیځو ولایتونو کې زلزله‌ځپلو ته ۱۰ میلیونه ډالر ځانګړي کړل

ملګرو ملتونو اعلان کړی، چې د دې سازمان د مرستو همغږي کوونکي دفتر (اوچا) د هېواد په ختیځو ولایتونو کې زلزله‌ځپلو ته د رسېدو په موخه ۱۰ میلیونه ډالر ځانګړي کړي.

دغه مرسته د خوړو، اوبو، سرپناه او نورو حیاتي اړتیاوو په برخه کې د افغانستان په ختیځو ولایتونو کې د ویجاړونکې زلزلې قربانیانو اړتیاوو ته د ځواب ویلو په موخه ځانګړې شوې ده.