نورالدین عزیزي افغان پلاوی هند ته د چابهار بندر د فعالولو او سوداګرۍ د پراختیا لپاره ځي

د افغانستان اسلامي امارت د صنعت او سوداګرۍ وزیر، نورالدین عزیزي، د یوه لوړپوړي پلاوي په مشرۍ د هند په رسمي بلنه نوي ډیلي ته روان شو.

د وزارت د خبرپاڼې له مخې د دې سفر موخه د چابهار بندر د ظرفیتونو فعال کارونه، د هند له پانګوالو سره اړیکو ټینګول او د دواړو هېوادونو ترمنځ د سوداګرۍ پراختیا ده.

په دغه سفر کې به افغان پلاوی د پراګتي میدان نړۍوال نندارتون هم وکتل شي او د هند د بهرنیو چارو او سوداګرۍ وزیرانو، سوداګرو، پانګوالو او د خصوصي سکټور له غړو سره ملاقاتونه وکړي.

دغه رسمي سفر د کابل او نوې ډیلي ترمنځ د اقتصادي اړیکو د پیاوړتیا لپاره یو مهم ګام ګڼل کېږي، او تمه کېږي چې د دې سفر پایلې به د تماسونو پراختیا، د سوداګرۍ وده او د سیمې په ټرانزیټي دهلیزونو کې د افغانستان د رول زیاتېدو لپاره مهمه اغېزه ولري.