هیأت بلندپایه تاجیکستان وارد کابل شد
هیأتی متشکل از مقام‌های وزارت امور خارجه و نهادهای امنیتی تاجیکستان امروز (شنبه ۲۴ عقرب) وارد کابل شد تا درباره توسعه همکاری‌های سیاسی، اقتصادی و امنیتی با مقامات حکومت کنونی افغانستان گفت‌وگو کند.
به گزارش خبرگزاری سریع؛ به نقل از منابع طلوع‌نیوز، امروز شنبه ۲۴ عقرب، هیأتی بلندپایه از جمهوری تاجیکستان شامل مقام‌های وزارت امور خارجه، نهادهای امنیتی و دیگر مسئولان کلیدی این کشور، وارد کابل شد.
هدف اصلی این سفر، تقویت و توسعه روابط سیاسی، اقتصادی و امنیتی میان جمهوری تاجیکستان و افغانستان اعلام شده است.
این هیأت علاوه بر دیدار با شماری از مقامات ارشد حکومت کنونی افغانستان، گفت‌وگوهای گسترده‌ای درباره همکاری‌های آینده دو کشور انجام خواهد داد.
منابع همچنین افزودند که در کنار بررسی مسائل مهم روابط دوجانبه، موضوع سفارت افغانستان در دوشنبه و سایر مسائل جزئی نیز در دستور کار مذاکرات قرار دارد.
