وزارت دفاع: یک هلیکوپتر بلک‌هاک در هلمند نشست اضطراری کرده است

اعلامیۀ این وزارت می‌گوید این طیاره نوع بلک‌هاک شام دیروز (۱۱ حمل) به علت عوارض تخنیکی نشست اضطراری کرد ولی به کسی آسیب نرسیده است.

اما عطاالله افغان رئیس شورای ولایتی هلمند به رسانه ها گفته که حد اقل سه سرباز در این رویداد جان باخته اند.

افغان می‌گوید: “به اساس معلومات ما هلیکوپتر در پایگاه نظامی شورآب سقوط کرده است که در نتیجه سه سرباز شهید شده‌اند، تاکنون معلومات بیشتر دریافت نشده است.”