په نورستان کې د ګرځندویانو موټر چپه کېدو پېښه
د نورستان په وایګل کې د ګرځندویانو موټر چپه شوی، شپږ تنه ټپیان دي
د نورستان ولایت د امنیه قومندانۍ د خبرپاڼې له مخې، دا پېښه پرون د یکشنبې په ورځ (د اسد ۱۲مه) د ماښام شاوخوا، د وایګل ولسوالۍ اړوند د «اپراشتال» په سیمه کې رامنځته شوې.
په پېښه کې یو داتسن موټر چې ګرځندویان پکې سپاره وو، چپه شوی او له امله یې شپږ تنه ټپیان شوي دي.
د چارواکو په وینا، ټپیان روغتون ته لېږدول شوي او د پېښې علت د موټر چلوونکي بې احتیاطي ښودل شوې ده.
ځايي امنیتي ادارې ویلي چې د پېښې په اړه نور تحقیقات هم دوام لري.
