ډاکټر عبد الباري عمر افغانستان کې د برېښنا پانګونې لپاره ښه زمينه برابره شوې

د افغانستان د برېښنا شرکت اجرائیوي رییس ډاکټر عبدالباري عمر په کابل کې د برېښنا ثبات، پرمختګ او پانګونې ته د فرصتونو د نړیوال کنفرانس پر مهال ويلي، چې د دې ناستې موخه د بهرنیو پانګوالو جذب دی.

ښاغلي عمر ويلي، په تېر یو کال کې یې د ۴۰ میلیونه ډالرو په ارزښت نیمګړې پروژې بشپړې کړې او ګڼې نورې پروژې لا هم تر کار لاندې دي.

د ښاغلي عمر په وینا، اوس په هېواد کې د امنیت او شفافیت له رامنځته کېدو سره د بهرنیو پانګونو د راجلب لپاره ښه زمینه برابره شوې ده.