کابل کې د چین بېړنۍ مرسته: ختیځو زلزله‌ځپلو ته ۷ میلیونه ډالره توکي ورسیدل

د ختيځو ولايتونو د زلزله‌ځپلو لپاره د چين د بېړنيو بشري مرستو لومړۍ جوپه کابل ته راوسېده.

«سي جي ټي اېن» شبکې ويلي، چې یاده مرسته په افغانستان کې د زلزله‌ځپلو سیمو د بیړنیو اړتیاوو د پوره کولو په موخه لېږل شوې ده.

دا په داسې مهال ده، چې ياد هېواد په افغانستان کې د ختيځو ولايتونو د زلزله‌ځپلو سيمو لپاره ۵۰ ميليونه يوان (اووه ميليونه ډالر په ارزښت) له مرستو خبر ورکړی دی.