مسوولان ریاست اقتصاد ولایت بغلان، از رسیدن کمک نقدی مردم ولایت جوزجان، برای آسیب‌دیده‌های سیلاب‌ها در بغلان خبر داده است.

به‌گزارش خبرگزاری سریع، این کمک‌ها از سوی مسوولان شماری از اداره‌های محلی جوزجان، به مسوولان ریاست اقتصاد بغلان سپرده شده است.

از سویی‌هم، عبدالمتین آخندزاده، رییس اقتصاد حکومت سرپرست در بغلان، گفته‌ است که ۱‌میلیون و ۵۰۰‌هزار افغانی کمک مردم جوزجان‌ ‌به‌آسیب‌دیده‌‌های سیلاب‌های اخیر در این ولایت توزیع خواهد شد.

این درحالی‌ست که در پی جاری‌‌شدن سیلاب‌های اخیر در ولایت بغلان‌، شمار زیادی از باشنده‌‌های این ولایت‌، متضرر شده‌اند.