IOM: په افغانستان کې د بې‌ځایه کېدو ډېری پېښې د اقلیمي پېښو له امله دي

14 ساعت پیش

زمان مطالعه یک دقیقه

A picture shows the flooding in Jowzjan province in northern Afghanistan on April 25, 2014. Flash floods in northern Afghanistan after two days of torrential rain have killed more than 80 people, officials said on April 25, with scores more missing as helicopters searched for stranded villagers. AFP PHOTO / SHAH MARAI (Photo credit should read SHAH MARAI/AFP/Getty Images)

د کډوالۍ نړیوال سازمان (IOM) په راپور کې ویلي چې د ۲۰۲۵ کال په لومړۍ رُبع کې په افغانستان کې د بې‌ځایه کېدو شاوخوا ۷۹ سلنه پېښې د اقلیمي بدلون او طبیعي پېښو له امله رامنځته شوي دي.
راپور زیاتوي چې وچکالۍ، سېلابونه او زلزلې په بېلابېلو سیمو کې خلکو ته درانه زیانونه اړولي دي او د ژوند شرایط یې سخت کړي دي.
له دې سره، د ایران او پاکستان له لوري د راستنېدونکو زیات بهیر هم پر هغو سیمو فشار زیات کړی چې له مخکې د چاپېریالي آفتونو له اغېزو سره مخ وې.
د IOM په وینا، بې‌ځایه شوي خلک اوس له خوراک، سرپناه او صحي خدماتو کمښت سره مخ دي او د نړیوالو مرستو اړتیا یې زیاته شوې ده.
دغه راپور د افغانستان په هغو سیمو کې د اقلیمي پېښو اغېزونه څرګندوي او د نړیوالو سازمانونو پام پر دې اړخ اړوي چې د بشري ناورین د مخنیوي لپاره عاجل اقدامات وکړي.