عراقچي: د ایران ځینې کنګل شوې شتمنۍ خوشې شوې
د ایران اسلامي جمهوریت د بهرنیو چارو وزیر عباس عراقچي ویلي، د امریکا او ایران ترمنځ له وروستیو مذاکراتو وروسته د ایران ځینې کنګل شوې شتمنۍ خوشې شوې او د تېلو او پېټروکېمیاوي توکو پر صادراتو لګېدلي محدودیتونه هم ځنډول شوي دي.
عراقچي پر خپلې اېکسپاڼې لیکلي چې د هېواد د بیارغونې او اقتصادي پرمختګ لپاره نوی پلان عملي شوی او په سیمهییزو مسایلو، په ځانګړي ډول لبنان کې، د سولې او ثبات په برخه کې هم مهم پرمختګونه شوي دي.
بلخوا د ایران اسلامي جمهوریت د مذاکراتي پلاوي ویاند اسماعیل بقايي ویلي، روانې خبرې د داسې تګلارې د جوړېدو لپاره ترسره کېږي چې موخه یې په لبنان کې د جګړې پای ته رسول دي.
دا څرګندونې داسې مهال کېږي چې په سویس کې د امریکا او ایران ترمنځ د تخنیکي مذاکراتو لومړنی پړاو پای ته رسېدلی او د دغو خبرو منځګړو، قطر او پاکستان، د مذاکراتو لومړنۍ پایلې «هیلهبښوونکې» بللې دي.
