نړیوالو رسنیو د ایران د شهید مشر د جنازې پراخ پوښښ کړی
د مهر خبري اژانس د راپور له مخې، سیمهییزې او نړیوالې رسنۍ لا هم د ایران اسلامي جمهوریت د اسلامي انقلاب د شهید مشر د جنازې او تدفین مراسم په پراخه کچه تعقیبوي. دغه مراسم، چې له تېرو څو ورځو راهیسې د ایران او عراق په بېلابېلو ښارونو کې ترسره شوي، لا هم د نړیوالو رسنیو د پام وړ موضوع پاتې شوې ده.
راپور وایي، د ایران په بېلابېلو ښارونو کې د خلکو پراخ او میلیوني حضور د نړۍ د ګڼو رسنیو او خبري شبکو پام ځان ته اړولی او دغو رسنیو مراسم په ځانګړي ډول پوښلي دي.
المیادین ټلوېزیون د مشهد مقدس د مراسمو د ژوندۍ خپرونې پر مهال راپور ورکړی چې، د ترانسپورتي ستونزو سربېره، میلیونونه کسان د ګډون لپاره مشهد مقدس ته رسېدلي وو.
العهد خبري وېبپاڼې هم د خلکو پراخ حضور د هغو سترو بدرګو او جنازو د دوام برخه بللې چې په تېرو ورځو کې په بېلابېلو ښارونو کې ترسره شوې وې.
الشرق شبکې راپور ورکړی چې د مشهد مقدس مراسم د اسلامي انقلاب د شهید مشر د جنازې د لړۍ وروستی پړاو و، چې د خلکو په بېساري ګډون ترسره شو.
همداراز د عراق آی نیوز شبکې او یو شمېر یمنۍ رسنیو هم د مشهد مقدس د مراسمو په پوښښ کې د خلکو پراخ او میلیوني حضور د دغو مراسمو له مهمو ځانګړنو څخه یاد کړی دی.
