خواست تاجیکستان برای تقویت مرزهای این کشور با افغانستان
وزیر خارجه‌ی تاجیکستان، خواستار تقویت مرزهای این کشور با افغانستان شد.
به‌گزارش خبرگزاری سریع؛ سراج‌الدين مهرالدین، وزیر خارجه‌ی تاجیکستان، در نشست شورای وزیران خارجه‌ی سازمان پیمان امنیت جمعی، خواهان امضای برنامه‌ی تقویت سرحد با افغانستان در ماه جولای ام‌سال شد.
آقای مهرالدین، در این نشست گفت: «جدی‌ترین چالش برای آسیای میانه، ترویج ایدئولوژی مخرب رادیکالیسم مذهبی است».
وزیر خارجه‌ی تاجیکستان، آمادگی کشورش را برای برگزاری رزمایش مشترک نظامی کشورهای سازمان پیمان امنیت جمعی در سال ۲۰۲۴ را هم اعلام کرد.
این برنامه قرار بود در سال ۲۰۲۳ امضا شود؛ اما به سال ۲۰۲۴ موکول شد.
