سفر معین ارشد امنیتی به نیمروز

به گزارش خبرگزاری سریع؛ در ادامه سفرهای ولایتی، محمدابراهیم صدر، معین ارشد امنیتی وزارت داخله، به همراه هیأتی بلندپایه به ولایت نیمروز سفر کرد.

وزارت داخله اعلام کرده است که هدف این سفر، تقویت هماهنگی میان سه نهاد امنیتی، اجرای مؤثر فرمان‌ها و ارزیابی روند فعالیت اداره‌های محلی بوده است.

معین ارشد امنیتی وزارت داخله در دیدارهای جداگانه با مسئولان محلی نیمروز تأکید کرد که تمامی نهادهای امنیتی در جهت خدمت‌رسانی بهتر به مردم، باید فعالیت‌های خود را افزایش دهند.