عمران خان صلح در افغانستان را برای اسلام‌آباد و دوشنبه مهم خواند

عمران خان، صدراعظم پاکستان می گوید که برقراری صلح در افغانستان به توسعۀ روابط تجاری میان کشورش و تاجیکستان مهم است. او این سخن را امروز چهارشنبه در اسلام آباد هنگام دیدار با امام علی رحمان، رئیس جمهور تاجیکستان ابراز کرد.

عمران خان افزود که پاکستان و تاجیکستان در مورد آزمون‌های امنیتی در آسیای مرکزی نظر مشابهی دارند. صدراعظم پاکستان گفته است که اگر پس از خروج نیروهای امریکایی از افغانستان، این کشور به جورآمد سیاسی دست نیابد، به گفته‌اش پاکستان و تاجیکستان هر دو از جنگ در افغانستان زیان خواهند دید.

به تازگی مقام‌های افغان از آنچه ادامۀ سیاست دوگانۀ پاکستان در قبال روند صلح در افغانستان خوانده اند، به شدت انتقاد کرده اند. اما پاکستان می‌گوید که از هیچ تلاشی برای کشاندن طالبان به میز مذاکرات صلح و ختم جنگ در افغانستان دریغ نکرده است.