لغمان درونټې ته نږدې د فلډر او پراډو موټرو ټکر کې یو تن وژل شوی او ۱۲ ټپیان دي
نن له غرمې مخکې شاوخوا یوولس بجې د کابل ـ جلالاباد پر لویه لاره د لغمان قرغیو ولسوالي درونټې تونل ته نږدې د فلډر او پراډو موټرو سخت ټکر رامنځته شوی. په دې پېښه کې یو تن ژوند له لاسه ورکړی او ۱۲ کسان چې درې یې ښځې دي، ټپیان شوي دي. عیني شاهدان وايي، د دواړو موټرو چټکتیا او د لویې لارې ګڼه یې د پېښې د دروندوالي لامل ګرځېدلي.
د لغمان امنیه قوماندانۍ خپره شوې خبرپاڼه وایي، پېښه د ټرافیکي اصولو د نه مراعات له امله رامنځته شوې. خبرپاڼه زیاتوي، ټپیان ژر د ننګرهار حوزوي روغتون ته رسېدلي چې اوس یې د درملنې بهیر روان دی. د روغتیايي سرچینو په وینا، د ځینو ټپیانو روغتیايي وضعیت د اندېښنې وړ بلل کېږي.
امنیه قومانداني وایي، د ټکر دواړه موټرو د پلټنو لپاره نیول شوي او د پېښې د دقیق علت معلومولو پروسه روانه ده. مسؤلین ټینګار کوي، د لویو لارو ساتنه او ټرافیکي نظم د خلکو د ژوند د خوندیتوب لپاره مهم دی او موټر چلوونکي باید د سرعت او احتیاط اصول په جدي توګه مراعات کړي.
