ملا حمدالله فطرت: د کونړ زلزلې قربانیانو د جسدونو ایستلو عملیات دوام لري

د اسلامي امارت مرستیال ویاند ملا حمدالله فطرت وایي، چې د کونړ وروستۍ زلزلې له امله د قربانیانو د جسدونو د موندلو او ایستلو عملیات تېره ورځ تر ناوخته دوام درلود.

ښاغلي فطرت زیاته کړې، له ویجاړیو څخه د جسدونو په را ایستلو سره د شهیدانو شمېر نور هم زیات شوی، خو کره ارقام به له تائید وروسته له رسنیو سره شریک کړي.

نوموړي څرګنده کړې، چې یو شمېر غیرمسووله کسانو د تلفاتو ډېر لوړ ارقام خپاره کړي، چې له حقیقته لرې دي.