پرتګال: سبا به د فلسطین دولت په رسميت وپېژنو

پرتګال خبر ورکړی، چې د استرالیا، کاناډا، فرانسه او بریتانیا په څېر د هغو هېوادونو په ډله کې شاملېږي چې د فلسطین دولت په رسمیت پېژني.

رسنیو راپور ورکړی، چې پرتګال به سبا (یک‌شنبه) د رسمي پرېکړې پر بنسټ د فلسطین دولت په رسميت وپېژني.

تر دې وړاندې د فرانسې ولسمشر امانوئل مکرون هم ویلي، چې غواړي راتلونکې دوشنبه د ملګرو ملتونو په عمومي غونډه کې د فلسطین خپلواک دولت په رسميت وپیژني.