عراقچي: امریکا د اوربند د عملي کېدو او سیمهییز ثبات مسوولیت لري
د ایران اسلامي جمهوریت د بهرنیو چارو وزیر، عباس عراقچي، ویلي چې د امریکا اداره د مخکې شوې اوربند هوکړې له مخې په سیمه کې د جګړو د پای ته رسولو او د ثبات د ټینګښت په برخه کې مهم مسوولیت لري.
عراقچي ټینګار کړی چې د اوربند د بشپړ عملي کېدو لپاره باید ژمنې په عملي بڼه پلې شي او د سیمې په ټولو جبهاتو، په ځانګړي ډول لبنان کې، د تاوتریخوالي د پراخېدو مخه ونیول شي.
نوموړي ویلي چې د ایران اسلامي جمهوریت تل د سیمې د امنیت، ثبات او د شخړو د سولهییز حل ملاتړ کړی او هیله لري چې ټول لوري د ترسره شویو هوکړو درناوی وکړي.
دغه څرګندونې په داسې مهال شوې چې د سیمې د امنیتي وضعیت او د لبنان اړوند وروستیو تحولاتو په اړه نړیوالې اندېښنې لا هم دوام لري او د اوربند د ټینګښت لپاره ډیپلوماټیکې هڅې روانې دي.
