مجتبی خامنهيي: د ایران دښمنان د خلکو د یووالي کمزوري کولو هڅه کوي
مجتبی خامنهيي ویلي چې د ایران دښمنان د جګړې له ماتې وروسته اوس هڅه کوي د خلکو د یووالي روحیه کمزورې کړي او په کورني کچه نفاق رامنځته کړي.
نوموړي د پنجشنبې په ورځ د اسلامي جمهوریت د بنسټګر روحالله خمیني د مړینې د کلیزې په مناسبت په خپل پیغام کې د ملي یووالي پر ساتلو ټینګار کړی او ویلي یې دي چې هر هغه اقدام چې د خلکو ترمنځ کرکه، بېباوري یا ناهیلي خپروي، په عملي ډول د دښمن په ګټه تمامېږي.
هغه زیاته کړې چې د اوسنیو شرایطو حساسیت ته په پام باید د ټولنې مختلف قشرونه یو بل ته نږدې پاتې شي او د اختلافاتو پر ځای د ګډو ملي ارزښتونو ملاتړ وکړي.
د نوموړي په وینا، د یووالي ساتل د هېواد د ثبات او مقاومت لپاره اساسي اړتیا ده او باید هېڅ ډول هڅې اجازه ورنه کړل شي چې د خلکو ترمنځ بېلتون او بېباوري رامنځته کړي.
