د امریکا د ولسمشر مرستیال: اپسټین له ځینو اسراییلي استخباراتي کړیو سره اړیکې لرلې
د امریکا د ولسمشر مرستیال جيډي وینس د جو روګان په خپرونه کې ادعا کړې چې جیفري اپسټین د امریکا او اسراییلو له ځینو لوړپوړو استخباراتي کړیو سره اړیکې لرلې.
نوموړي همداراز ادعا وکړه چې اسراییل د ایران اسلامي جمهوریت په اړه د امریکا د خبرو اترو د اغېزمنولو او د ډیپلوماتیکو هڅو د کمزوري کولو لپاره پراخ کمپاینونه کړي دي. وینس ویلي، د دغو هڅو تر شا د پام وړ مالي او تبلیغاتي امکانات کارول شوي دي.
د هغه په وینا، د اپسټین قضیه، چې له جنسي جرمونو او د ماشومانو د ناوړه ګټې اخیستنې له تورونو سره تړاو لري، لا هم د امریکا له جنجالي دوسیو څخه ده. د وینس دغو څرګندونو په امریکایي رسنیو او سیاسي کړیو کې پراخ غبرګونونه او بحثونه راپارولي دي.
