کندهار کې د افغان ماشوم د وژنې په غبرګون ۶ پاکستاني پوځیان وژل شوي
د آریانا نیوز د راپور له مخې، تېره شپه د سپین بولدک ولسوالۍ کې د اسلامي امارت او پاکستاني ځواکونو ترمنځ نښته هغه مهال رامنځته شوه چې پاکستاني ځواکونو پر یوه افغان ماشوم ډزې وکړې او هغه یې وواژه.
د سرچینو په وینا، د دې پېښې په غبرګون کې افغان امنیتي ځواکونو ځوابي اقدام کړی چې په ترڅ کې یې ۶ پاکستاني سرتېري وژل شوي او یو بل ټپي شوی دی.
سرچینې زیاتوي، افغان ځواکونو ته د وژل شوي ماشوم او د یوه پاکستاني سرتېري جسدونه هم رسېدلي دي.
ویل کېږي، په نښته کې یو شمېر سپکې او درنې وسلې هم د افغان ځواکونو لاس ته لوېدلې دي.
